silava min......Ev cenga we ye........Werivandin


1 قراءة دقيقة
07 Mar

Ev cenga we ye


Gulek min tê de tineye
  ne sêva mendalekî…!!

 di çirava kînê de
Baxên xewnên min şîn nayên
Ez nikarim
ji qêrîna birçiyan
Ji îskeîska sêwiyan
stiranê tomar bikim..?
 helbestê tawankar bikim..!!

                                 2/12/2015.z

_______

silava min


li keviya poşmaniyê nehêle
ne wardozê bi tenê yî
berî te
gelek dildar derbas dibûn
û bayê evînê
dêmên wan sor dikirin…!!
Li ser dîwarên zindanan
    Ramûsan mohr dikirin…

 De li kenê gulên min bizîvire
bila çûkê lûsiyayî
ji ser dilê bendewar
                 bi serbestî bifire…!!

                                           19 /7/2016.z
 *******************************

_____________

Werivandin

 hatina te dereng ket
henasên min
rêbazên xwe winda dikin.
teknîka nivîsandinê
hest û nestan ziwa dike
rê na de ku giyanê min
bi serbestî bipişive
bibe hêtwan
bi ser lêvên lavedar de biwerive…
10/2/2019.z
 ***********************

03Jan
03Jan