DEM NA RAWESTE


2 قراءة دقيقة
14 Jul
14Jul

Buhar wê bibûr e

Kurdo em di xew de
Sed kûçik dizûr e
Berê te bi kû de

Pişta hev bernedin
Qet rê nedin dijmin
Biryarê bi xwe din
Xwîşk û birayê min

Hûn guh nedin tol e
Hemî weke hevin
Ser we dibin kol e
Ji ber wan direvin

Tev destên hev bigrin
Weke dost û bira
Yan jiyan yan mirin
Xwe ne spêrin gura

Hemî bibin kaşo
Li ser pişta gokê
Tûj bin wekî tefşo
Xwîn bighêje çokê

Tev bêjin hev bira
Weke şîr û şekir
Nebêjin ev çira
Ji bo çi te ev kir

Li hev bibin xwedî
Hûn ê bi ser kevin
Ji hev nekin fedî
Da ji hev nekevin .

DIL TIJE KÎN E

Çavên te kor in
Dil tije kîn e
Ev dijmin zor in
Tu xwe nabîn e

Xwîn mij û dêw in
Qet ne mirov in
Xir û newêr in
Ew hirç û hov in

Qata me xwar in
Te negot çima
Pir em hejar in
Em bûn wek şima

Çima ditirsî ?
Tu ne mêrxasî
Li xwe napirsî
Yan ji bo kursî

Nebe cangiranî
Tu rabe bi lez
Ger tu rêzanî
Hirç ket di nav rez

Rab bi mêranî
Şêr û lehengî
Tu xew giranî
Ev heta kengî ?

Çalak û mêrî
Navê te xuya
Bi kar û kêrî
Dostê te çiya

Arkê xwe bike
Tu neke minet
Guh ned pûtik e
Wan nîn e rûmet

Welat berned e
Heval û bira
Tu nav dixwe de
Wê ker bizir e

Dest û rû pakî
Bi xwe nizanî
Biya min nakî
Mayî xizanî .

NAMA VEKIRÎ

Ez ê binivîs im eşker e
Nayêm firotin bi zêr û pere
Xwe naveşêr im di pişt tîpan
Wek siyasetmedar û rêber e

Ji xwe nakin şerm û fedî
Qet li milet nabin xwedî
Her yek xwe dibîn e mîr û serok
Di hembêza dijmin bûne kedî

Çanda we tim kîn û rikberî
Dostê we ne tolaz û serserî
Li ber dergehan bûne nandoz
Ji dijmin re dibêjin ezbenî

Keda we ya tev zîwan û gemar
Şûva me hiştin bûr û beyar
Ey nezanên ser hişk û kevir
Em xistin bin dest û lingê neyar

Milet kirin sed partî û bend
Ser pişta me bûne mîrek û qend
Me da pey wsn wek miryah û pez
Ji ber wilo kund ser welat xwend

Malbat ji hev bûne tarû mar
Ma em li kê bikin qîr û hawar
Ger ev bimînin rêber û rêzan
Em ê bimînin bê cî û war

Li cîhanê koçber û der bi der
Ji mer dibêjin qereç û penaber
Kuro we çi bi serê me kir
Yek dibêje wer ,yek dibêje her

Xwedî rêbaz ,rewşenbîr û nivîskar
Gelo hûn xwe nabînin gunehkar
Meydan hiştin ji bo hov û nezane
Rêbaz bûye dînar û dolar .

PESNÊ ŞOXEKÊ

Bi lez were ber pencerê
Min dil da te ey esmerê
Tiwî xewn û tiwî omîd
Ew rû ji mûm û fenerê

Ez heyran e dêmê gulî
Lêv hinguv û çen kakilî
Tiwî xewn û tiwî omîd
Tu delala ber vî dilî

Tu helez û tu sosin î
Bîna li ber pozê min î
Tiwî xewn û tiwî omîd
Buhişta jînê tu jin î

Bi wê taca li ser serî
Feriştî di rengê perî
Tiwî xewn û tiwî omîd
Ez helbest im tu hunerî

Şaha li ser erşê min î
Ne dirêjî ne jî kin î
Tiwî xewn û tiwî omîd
Çima wilo dil hasin î ?

Çi dibêje tu serbestî
Agir xiste di vî hestî
Tiwî xewn û tiwî omîd
Min nehêle dil şikestî

Kirim sermest di vê jînê
Were cem min bi wê zînê
Tiwî xewn û tiwî omîd
T dermanke vê birînê

Wer binêre li vî halî
Çav li girî ,dil dinalî
Tiwî xewn û tiwî omîd
Bûme kal hîn ez bîst alî

Bi incîl û bi quranê
Tiwî gula vê jiyanê
Tiwî xewn û tiwî omîd
Lêv sor û stû mircanê

Ez qurbana bejn û balê
Pir xweşike dêm bi xalê
Tiwî xewn û tiwî omîd
Tiwî roj û stûna malê .

NAVÊ YARÊ

Pir şêrîn e navê yarê
Bîna gula jê dibarê
Navê yarê gula Nesrîn
Dil ji mi bir bi yekcarê

Şalê li ser mil rengîn e
Bejn û balê dixemlîn e
Biskê dirêj pora zêrîn
Di vê holê wek wê nîn e

Dest û tilî mûm û şima
Wek kulîlka serê lema
Keniya bi lêvê şêrîn
Dil ji kêfa diçe sema

Çavxezala ebrû heyvê
Dengzelala hinguv peyvê
Her tiwî ronak û rûjîn
Ronî da di nîvê şevê

Tiwî sura serê sibê
Dilê min bi te şa dibê
Te çêkir di dil de hêlîn
Ev jiyan qet bê te nabê

Ev evîna mem û zîn e
Dor me ferişt û perî ne
Ji dar û solav solîn
Suriştek xweş û zengî e

Dengê şalûl û bilbil e
Tê bîna çîçek û gule
Ez im ferhad tiwî şêrîn
Îro eşqa can û dil e

Xwezî jiyan tim weha be
Mirov tim fil şad û şa be
Ez hez nakim dengê kiwîn
Jiyan tev vîn û sema be .

ربما تحتوي الصورة على: ‏‏‏٢‏ شخصان‏، ‏بما في ذلك ‏‎Ahmed Tahir‎‏‏‏
03Jan
03Jan